काठमाडौँ— बलिउडका चर्चित अभिनेता सोहेल खान नेपाल आइपुगेका छन् । आउँदो जेठ १४ गते दशरथ रंगशालामा हुने ‘दबङ रिलोडेड टुर’का बारे बुझ्न उनी नेपाल आएका हुन् ।
दशरथ रंगशालामा हुने ‘दबङ रिलोडेड टुर’ का लागि ओडीसी इन्टरटेनमेन्टले सलमानलाई नेपाल ल्याउदैछ । कार्यक्रमबारे जानकारी लिन काठमाडौं आएका सोहेलले आफूलाई नेपाल एकदमै राम्रो लाग्ने बताएका छन् ।
उनले यसपटक गरमाथा हेरेर मात्र फर्किने बताएका छन् । बिहीबार राजधानीमा आयोजना गरिएको पत्रकार सम्मेलनमा सोहेलले यो कुरा गरेका हुन् । उनले भने - 'मलाई नेपाल एकदमै राम्रो लाग्छ, सुन्दर छ । १०–१२ वर्षको हुँदा स्कुल जीवनमा म काठमाडौं आएका थिएँ । अहिले ४० वर्षपछि फर्केर आएको छु । यसपटक एभरेस्ट हेरेर मात्रै फर्कन्छु ।'
ओडीसीका सिमान्त गुरुङले कार्यक्रममा ३० हजार दर्शक उपस्थित हुनेछन् ।कार्यक्रमका लागि ५ हजार, १० हजार, १५ हजार र २५ हजार दरको टिकेट मूल्य तोकिएको छ ।
प्रकाशित मिति: बिहीबार, मंसिर ८, २०७९ ०१:४५
प्रतिक्रिया दिनुहोस्
