काठमाडौँ– नबिल बैँकका अध्यक्ष उपेन्द्र पौडेल प्रबल जनसेवा श्री विभूषणबाट सम्मानित भएका छन् ।
आज राष्ट्रपति भवनमा आयोजित विशेष समारोहमा अध्यक्ष पौडेललाई राष्ट्रपति विद्या देवी भण्डारीले सो विभूषणबाट सम्मानित गरेकी हुन् ।
पौडेल बैंकिङ क्षेत्रमा ३ दशक भन्दा लामो समय अनुभवी बैङ्करको रुपमा परिचित व्यक्ति हुन् ।
सन् १९८६ मा ग्रिण्डलेज बैंकबाट बैंकिङ करिअर सुरु गरेका पौड्याल त्यहाँ १४ वर्ष जिम्मेवारी सम्हालेपछि उनी एनएमबी फाइनान्समा पुगे । एनएमबीमा उनले १७ वर्ष काम गरे ।
१४ वर्ष ग्रिण्डलेज बैंक, १७ वर्ष एनएमबी र ३ वर्ष नबिल बैंकसहित उनले ३४ वर्षको बैंकिङ अनुभव लिएका छन् ।
पौड्याल सन् २०१४ देखि २०१६ सम्म नेपाल बैकर्स संघको अध्यक्ष थिए ।
प्रकाशित मिति: बिहीबार, मंसिर ८, २०७९ ०२:०५
प्रतिक्रिया दिनुहोस्
