काठमाडौं - चर्चित गायिका मेलिना राईले इन्गेजमेन्ट गरेकी छिन् । उनले संजिव बराइलीसँग इन्गेजमेन्ट गरेकी हुन् । आफूहरुले इन्गेजमेन्ट गरेको बारे मेलिनाले सामाजिक सञ्जालमार्फत तस्बिर शेयर गर्दै जानकारी गराएकी छिन् । उनीहरुले आफूहरुको करिब ५ बर्ष लामो प्रेम सम्बन्धलाई विवाहमा परिणत गर्न लागेका हुन् । केही समयअघि संजीब र मेलिनाले २ बर्ष अगाडि नै इन्गेजमेन्ट गरिसकेको चर्चा चलेको थियो । उनीहरुले अब यसै बर्ष विवाह गर्ने तयारी गरेका छन् । मेलिनाले पनि केही बर्षदेखि आफू प्रेममा रहेको जानकारी मिडियालाई गराउँदै आएकी थिइन् । विर्तामोड घर भएका संजीब लामो समयदेखि काठमाडौमा बस्दै आएका छन् ।