काठमाडौँ– केजीएफ च्याप्टर – २ ले बक्स अफिसमा रेकर्ड ब्रेक गर्दै धुमधाम कमाइ गरेको छ ।
कन्नड सुपरस्टार यशको प्रमुख भूमिका रहेको केजीएफ – २ को हिन्दी भर्सनले मात्रै दुई दिनमा १०० करोड बढी कमाइ गरेको छ ।
चलचित्रले सबैतिरबाट प्रशंसा पाइरहेको छ । पहिलो दिनमै भारतीय बक्स अफिसमा केजीएफ – २ ले ग्रस १३४.५ करोड रुपैयाँ कमाइ गरेको छ।
यस चलचित्रको हिन्दी भर्सनले मात्रै पहिलो दिन ५३.९५ करोड रुपैयाँ कमाइ गरेको छ । केजीजीएफ – २ ले पहिलो दिनको कमाइमा एसएस राजामौलीको ‘आरआरआर’ र ऋतिक रोशनको ‘वार’ लाई समेत पछि पारेको छ।
वारले पहिलो दिन ५१.६० करोड कमाएको थियो भने आरआरआरले १९ करोड कमाइ गरेको थियो ।
केजीएफ – २ को हिन्दी भर्सनले दोस्रो दिन भने पहिलो दिनको तुलनामा केही कम कमाइ गरेको छ । दोस्रो दिन ४६.७९ करोड कमाइ गरेको छ । दुई दिनमा यस चलचित्रले १००. ७४ करोड नेट कमाइ गरेको छ ।
दुई दिनमै १०० करोड क्लबमा समावेश हुन केएफजी – २ सफल भएको छ ।
