लण्डन—क्रिस्टियानो रोनाल्डोको क्लब करियरको ५० औं ह्याट्रिकको मद्दतले इंग्लिस प्रिमियर लिगमा म्यानचेस्टर युनाइटेडले नोर्विच सिटीमाथि तीन दुईको कठिन जित निकालेको छ ।
घरेलु मैदान वल्ड ट्राफोर्डमा भएको खेलमा युनाइटेडले खेलको सातौं मिनेटमा नै क्रिस्टियानो रोनाल्डाको गोलमा युनाइटेडले अग्रता बनाएको थियो ।
३२ औं मिनेटमा रोनाल्डोको ब्यक्तिगत दोस्रो गोलका कारण युनाइटेडले खेलमा दुई शुन्यको अग्रता लिन सफल भयो ।
तर पहिलो हाफको अन्तिममा नोर्विचले खेल दुई एकमा पुर्यायो । उसका लागि डोवेलले गोल गर्न सफल भए ।
पहिलो हाफमा एक गोलले पछि परेको नोर्विचले ५२ औं मिनेटमा खेल बराबरी गर््यो । उसका लागि पुक्कीले गोल गरे ।
तर खेलको ७६ औं मिनेटमा रोनाल्डोले उत्कृष्ट गोल गर्दै ब्यक्तिगत ह्याट्रिक पुरा गरे भने टिमलाई तीन दुईले अगाडी राखे । उनको यो क्लब बरियरको ५० औं ह्याट्रिक हो । उनले २५ यार्ड टाढाबाट गरेको फ्रिकिक प्रहार सोझै गोलमा परिणत भएको थियो ।
उनको करियरको यो ६० औं ह्याट्रिक हो । उनी ब्यवसायीक करियरमा सर्वाधिक ह्याट्रिक गर्ने खेलाडी हुन । साथै उनी ६० औं ह्याट्रिक गर्ने पहिलो खेलाडी हुन ।
त्यसपछि नोर्विच सिटी खेलमा फर्कन सकेन र युनाइटेडले कठिन जित निकाल्यो । यो जितपछि म्यानचेस्टर युनाइटेडले ५४ अंक बनाउँदै शिर्ष पाँचमा पुगेको छ ।
लिगको पुछारमा रहेको नोर्विचको २१ अंक छ । यो सिजनमा नोर्विचलाई रेलिगेसनको खतरा झन बढेको छ ।
