काठमाडौं - अभिनेता अनमोल केसी पछिल्लो समय चलचित्र 'ए मेरो हजुर ४' लाई लिएर निकै चर्चामा छन् । उनी अभिनित यस फिल्मले अहिले राम्रो कमाई गरिरहेको छ । झरना थापाको निर्देशनमा बनेको यस फिल्म बैशाख १ गतेदेखि देशभरका अलहरुमा लागेको थियो । यस पिल्मले अहिलेसम्म २ करोड भन्दा बढी व्यापार गरेको निर्माताले दाबी गरेका छन् । प्रेम कथामा आधारित रहेको यस फिल्ममा अनमोल र सुहानासहित सलोन बस्नेत, सरोज खनाल, रबी गिरी लगायतका कलाकारको अभिनय रहेको छ । यसैबीच अनमोलले आफू इन्डस्ट्रीको 'रियल प्लेयर' भएको दाबी गरेका छन् । साउथ फिल्म केजिएफ २ को दबदबाबीच देशभरका हलहरूमा आफ्नो फिल्मले कब्जा जमाएकोमा केसीले यस्तो बताएका हुन् । पत्रकारको प्रश्नमा केसीले गोलकिपर भएको पोस्टमा गोल हान्ने नै विजेता हुने बताए । उनले भने खाली पोस्टमा त जसले नि गोल हान्छ । गोलकिपर भएको पोस्टमा जसले गोल हान्छ उही हो विजेता