काठमाडौं - नेपाली चलचित्र क्षेत्रका चर्चित कलाकार दीपकराज गिरीले उत्कृष्ट अभिनेताको अवार्ड जितेका छन् । आइतवार राष्ट्रपति भवन शितलनिवासमा आयोजित एक कार्यक्रमकाबीच कलाकार गिरीलाई राष्ट्रपति विद्यादेवी भण्डारीले अवार्ड प्रदान गरेकी हुन् । चलचित्र विकास बोर्डले २०७६/२०७७ को ‘राष्ट्रिय चलचित्र पुरस्कार’ वितरण गर्ने क्रममा फिल्म ‘छ माया छपक्कै’बाट गिरीले उत्कृष्ट अभिनेता र फिल्म 'आमा’बाट सुरक्षा पन्तले उत्कृष्ट अभिनेत्रीको अवार्ड जितेका हुन् । यस्तै दीपेन्द्र के. खनालले राष्ट्रपति भण्डारीको हातबाट उत्कृष्ट निर्देशकको अवार्ड पनि जितेका छन् । यस्तै लेखनमा फिल्म ‘जात्रै जात्रा’बाट निर्देशक प्रदीप भट्टराईले अवार्ड जितेका छन् ।