काठमाडौँ– लिभरपुल इंग्लिस प्रिमियर लिगको शीर्ष स्थानमा उक्लिएको छ।
लिभरपुलले घरेलु मैदान एनफिल्डमा मंगलबार राती भएको खेलमा म्यानचेस्टर युनाइटेडमाथि ४–० को सानदार जित निकाल्दै शीर्ष स्थानमा उक्लिएको हो।
लिभरपुलको जितमा मोहम्मद सलाहले दुई तथा लुइस डियाज र साडियो मानेले समान एक गोल गरे।
यो जितसँगै शीर्षस्थानमा उक्लिएको लिभरपुलको ३२ खेलबाट ७६ अंक पुगेको छ। एक खेल कम खेलेको म्यानचेस्टर सिटीको ७४ अंक छ। तेस्रो स्थानमा रहेको चेल्सीको एक खेल कम खेल्दै ६२ अंक छ।
हारसँगै चौथो स्थानको टोटेनह्याम हटस्परसँग अंक बराबरी गर्ने मौका गुमाएको युनाइटेड ३३ खेलबाट ५४ अंक जोडेर छैठौं स्थानमा यथावत रहेको छ। टोटेनह्यामको ३२ खेलबाट ५७ अंक हुँदा पाँचौ स्थानको आर्सनलको ५४ अंक छ।
प्रकाशित मिति: बिहीबार, मंसिर ८, २०७९ ००:५८
प्रतिक्रिया दिनुहोस्
