काठमाडौँ– जिल्ला कारागार तनहुँमा पुर्पक्षका लागि थुनामा रहेका अभिनेता पल शाहलाई आज नवलपरासी पूर्व लगिँदैछ । बलात्कार मुद्दामा जिल्ला अदालत नवलपुरले बकपत्रका लागि उनलाई बोलाएको हो ।
नवलपुरमा पनि नाबालिग गायिकाले पलविरुद्ध बलात्कार मुद्दा दायर गरेकी छन् । दुवै जिल्लाका अदालतले थुनछेक बहसपछि उनलाई पुर्पक्षका लागि कारागार चलान गरेको हो ।
तर पल शाहले कारागार बाहिरै बसेर मुद्दा लड्न पाउनुपर्ने माग गरी उच्च अदालत पोखरामा पुनरावेदन गरेका छन् । उच्च अदालतमा केही दिनपछि यस विषयमा सुनुवाइ हुँदैछ । यसअघि प्रारम्भिक सुनुवाइपछि कैफियत प्रतिवेदन मगाएको थियो ।
जिल्ला अदालत तनहुँमा भने उनको बकपत्र गराइसकिएको छ । साथै पीडित नाबालिग र उनका बुवाले पनि बकपत्र दिइसकेका छन् ।
बलात्कारको जाहेरी दिएका पीडित नाबालिग र बुवाले बकपत्रमा भने बोली फेरेका छन् । उनीहरुले अरुको उक्साहटमा उजुरी दिएको जिकिर गर्दै बलात्कार नभएको बयान दिएका छन् ।
प्रकाशित मिति: बिहीबार, मंसिर ८, २०७९ ०२:४१
प्रतिक्रिया दिनुहोस्
