काठमाडौँ– अभिनेता यश स्टारर चलचित्र ‘केजीएफ–२’ बक्स अफिसमा धमाकेदार सावित भएको छ । चलचित्रले सुरुवाती दिनदेखि नै बक्स अफिसमा रेकर्ड कायम गर्दैै राम्रो कमाइ गरिरहेको छ ।
केजीएफ - २ ले पाँच दिनमा विश्वभरमा ६ सय करोड रुपैयाँ बढी कमाइ गरेको छ । अझै पनि यस चलचित्रले बक्स अफिसमा कब्जा जमाएर बसेको छ । यो क्रम अझै जारी रहे केजीएफ - २ चाँडै एक हजार करोडको क्लबमा पुग्ने निश्चित छ ।
यही अप्रिल १४ मा प्रदर्शनमा आएको यस चलचित्रले सुरुवाती दिनदेखि बलिउडदेखि दक्षिण भारतीय चलचित्र उद्योगमा थुप्रै चलचित्रले बनाएका रेकर्ड तोडेको छ ।
हिन्दी बक्स अफिसमा केजीएफ - २, दुई सय करोड बढी कमाइ गर्ने तेस्रो चलचित्र बनेको छ । अनुपम खेरको ‘द कश्मीर फाइल्स’ र एसएस राजामौलीको ‘आरआरआर’ पछि केजीएफ - २, दुई सय करोड बढी कमाइ गर्ने चलचित्र बनेको हो ।
प्रकाशित मिति: बिहीबार, मंसिर ८, २०७९ ०२:४०
प्रतिक्रिया दिनुहोस्
