यतिबेला चलचित्र ‘कबड्डी ४’ को गीत ‘केशरी’ चर्चामा छ । चलन चल्चिकै भाषमा भन्ने हो भने गीत भाइरल भएको छ । गीतका बिभिन्न अन्तरा र स्थायिमा धेरैले टिकटक बनाइरहेका छन् । जुन चर्चाले कलाकार सौगात मल्ल दङ्ग परेका छन् । उनी आफुले गरेको काम धेरैले मन पराइदिदा खुशी लाग्ने बताउँछन् । त्यसो त यो गीत सुन्दा बित्तिकै उनलाई मन परेको थियो । अनि त्यसै समय गीत हिट हुन्छ भन्ने बिश्वास पनि जागेको थियो । हालैको एक भेटमा सौगातले पहिले पहिले आफुलाई मन परेका केही गीतहरु नचल्दा यसपटक पनि त्यस्तै हुने हो कि भन्ने डर पनि लागेको सुनाए । तर, यो गीतको धुनमा जुन मिठास छ त्यसका कारण उनलाई गीत चल्छ भन्नेमा पुरै विश्वास थियो । सरल शब्द अनि क्याचि मेलोडीका कारण गीतले धेरैलाई छोएको उनी बताउँछन् । सौगातको रोजाई पनि यस्तै गीत हो । उनी चलचित्रमा कथामा बग्ने गीत होस् भन्ने चाहन्छन् । कथा अघि बढ्दै गर्दा एक्टको बिचमा गीत आओस् भन्ने उनको चाहना हो । यद्यपी केही चलचित्रमा उनले यो बाहेक भिन्न कल्पनाको सागरमा पुगेर नृत्य पनि नगरेका होइनन् । उनी त्यसरी नृत्य गर्न आफुलाई अफ्ठ्यारो महसुस हुने बताउँछन् । कथाकै माग अनुसार आउने गीतमा नृत्य गर्न भने उनी पछि पर्दैनन् । तर, उनी गीतमा नृत्य भन्दा पनि अभिनय नै होस् भन्ने चाहन्छन् । सौगातले चलचित्र बाहेक २ अहिले सम्म दुई वटा म्युजिक भिडियोमा काम गरेको बताउँछन् । ति भिडियोमा काम गर्नुको कारण पनि भिडियोको कथा हो । उनी गीतका माध्यमबाट भन्न खाजेको कथा राम्रो थियो । अनि मैले ति गीतमा पनि एक्ट गर्न पाएको थियो । https://www.youtube.com/watch?v=RHU1bvWZavY