काठमाडौँ– भारतको जम्मू र कश्मीरको सुन्जवानस्थित भटिंडीमा आज भएको मुठभेडमा दुई चरमपन्थी मारिका छन् । सो घटनामा एक जवानको पनि मृत्यु भएको भारतीय सञ्चारमाध्यमले जनाएका छन् । अन्य चार जवान घाइते भएको जानकारी दिएको छ । चरमपन्थीविरुद्ध सो क्षेत्रमा अहिले पनि कारबाही जारी रहेको छ । सुरक्षा बलले सो क्षेत्रलाई अहिले चारैतर्फबाट घेरा हालेर राखेको छ । प्रधानमन्त्री आगामी अप्रिल २४ मा जम्मू र कश्मीरको भ्रमण जाँदैछन् । यसकारण पनि यो मुठभेडको घटनालाई महत्वका साथ हेरिएको छ ।