केही वर्ष अघि ‘सोनम गुप्ता बेवफा है’ लेखेको भारतीय नोट भाइरल बनेको धेरैलाई स्मरण होला । यो नोटमा लेखिएको शब्दले विश्वभर चर्चा पाएको थियो । विश्वका चर्चित मिडियामा समेत समाचार आएको थियो । अहिले फेरि एक पटक यस्तै अर्को नोट चर्चामा आएको छ ।
अहिले सामाजिक सञ्जालमा भारतीय १० को नोट भाइरल बनेको छ । जसमा एक युवतीले आफ्नो प्रेमीकालागि सन्देश लेखेकी छन् । सन्देशमा उनले आफ्नो विवाह २६ अप्रिलमा रहेको र आफूलाई भगाएर लैजान आग्रह गरेकी छन् ।
सामाजिक सञ्जालमा भाइरल यस नोटमा लेखिएको छ, 'विशाल, मेरो विवाह २६ अप्रिलमा हुँदैछ । मलाई भगाएर लैजाउ । आई लभ यू, तिम्रो कुसुम ।'
यो नोट अनुसार मंगलबार उनको विवाह हो । र उनका प्रेमी उनलाई भगाउन पुगे पुगेनन् । वा कुसुमले अन्यत्र कतै विवाह गरिन् । यो भने सम्पूर्ण सामाजिक सञ्जालका प्रयोगकर्ता माझ उत्सुकताको बिषय बनेको छ ।
प्रकाशित मिति: शुक्रबार, मंसिर ९, २०७९ ०६:१३
प्रतिक्रिया दिनुहोस्
