काठमाडौँ– भारतको तमिलनाडुमा एउटा मन्दिरको रथयात्राका क्रममा बिजुलीको तारले छुँदा करेन्ट लागेर ११ जनाको मृत्यु भएको छ।
तमिलनाडुको तञ्जावुरमा रथयात्राको क्रममा हाईभोल्टेज तारमा ठोक्किएर ११ जनाको मृत्यु भएको बीबीसी हिन्दीले जनाएको छ । मृत्यु हुनेको संख्या बढ्न सक्ने भारतीय सञ्चार माध्यमहरुले जनाएका छन् ।
सो घटनामा अन्य १५ जना घाइते भएका प्रहरी अधिकारीले जानकारी दिएका छन् ।
तिरुचिरापल्ली सेन्ट्रल जोन आईजी वी बालाकृष्णनले वार्षिक पर्वको समयमा उच्च भोल्टेजको तारमा रथमा ठोक्किएर दुर्घटना भएको बताएका छन् ।
प्राप्त जानकारी अनुसार दुर्घटनामा धेरै श्रद्धालुहरु गम्भीर घाइते भएका छन् । उनीहरुलाई नजिकको अस्पतालमा भर्ना गरिएको छ ।
प्रकाशित मिति: बिहीबार, मंसिर ८, २०७९ १४:२६
प्रतिक्रिया दिनुहोस्
