काठमाडौं - अभिनेता दयाहाङ राई अभिनित फिल्म 'कबड्डी ४' को ट्रेलर सार्वजनिक भएको छ । रामबाबु गुरुङले निर्देशनमा तयार भएको यस फिल्मको ट्रेलर बुधबार युट्युबमा सार्वजनिक भएको हो ।
सार्वजनिक ट्रेलरमा अघिल्ला तीन सिरिजमा मैयाँको प्रेम पाउन नसकेर बिरक्तिएका काजी गाउँको स्कुलमा पढाउन थालेको देखाइएको छ । उनी सोही स्कुलकी मिस शान्तिसँग नजिक भएको देखिएको छ । मिस शान्ति अभिनेत्री मिरुना मगर बनेकी छिन् ।
जेठ १३ गते प्रदर्शनमा आउने तयारीमा रहेको यस फिल्म निर्देशक गुरुङ र उपेन्द्र सुब्बाले लेखेका हुन् । फिल्ममा दयाहाङ राई, सौगात मल्ल, बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल लगायतका कलाकारको अभिनय रहेको छ ।
प्रकाशित मिति: बिहीबार, मंसिर ८, २०७९ ०३:०२
प्रतिक्रिया दिनुहोस्
