हेटौँडा— नेकपा एमाले मकवानपुरले आइतबार हेटौँडामा शक्ति प्रदर्शनसहितको आमसभा गर्ने भएको छ ।
स्थानीय निर्वाचन केन्द्रित गरेर एमाले मकवानपुरले शनिबार पत्रकार सम्मेलन गर्दै आइतबार शक्ति प्रदर्शनसहित बृहत् आमसभा गर्ने जानकारी दिएको हो ।
नेकपा एमालेका केन्द्रीय अध्यक्ष केपी शर्मा ओलीको उपस्थितिमा स्थानीय चुनावी सभा तथा अन्तर्राष्ट्रिय श्रमिक दिवसको अवसरमा हेटौँडा–४ को हुप्राचौरमा आमसभा आयोजना गर्ने तयारी गरेको एमाले मकवानपुरका अध्यक्ष एकालाल श्रेष्ठले जानकारी दिए ।
पत्रकार सम्मेलनमा बोल्दै श्रेष्ठले उनले सो आमसभामा जिल्लाको १० वटै स्थानीय तहबाट ४० हजारभन्दा बढी जनता उतार्ने बताए ।
उनका अनुसार हेटौँडा उपमहानगरपालिकाको विभिन्न चार वटा नाकाबाट पैदल र्याली गरी हुप्राचौरमा जम्मा भएर १२ बजे कार्यक्रम सुरु गर्ने र १ बजे पार्टी अध्यक्ष ओलीले कार्यक्रमलाई सम्बोधन गर्ने कार्यक्रम रहेको छ ।
प्रकाशित मिति: शुक्रबार, मंसिर ९, २०७९ ०१:२६
प्रतिक्रिया दिनुहोस्
