भारतमा दैनिक कोरोना संक्रमितको संख्या फेरि बढ्दै, एकैदिन ३ हजार बढीमा संक्रमण
काठमाडौँ– भारतमा पछिल्लो समय कोरोना संक्रमणको ग्राफ फेरि उकालो लाग्दै गएको छ । पछिल्लो २४ घण्टामा ३ हजार ३२४ जना कोरोनाका नयाँ संक्रमित थपिएका छन् ।
सोही अवधिमा ४० जनाको कोरोनाका कारण मृत्यु भएको छ ।
भारतीय स्वास्थ्य मन्त्रालयका अनुसार २० घण्टामा २ हजार ८ सय जना संक्रमणमुक्त भएका छन् । फेरि कोरोना संक्रमण बढ्दै गएपछि भारतमा कोरोनाको चौथो लहर आएको आशंका गर्न थालिएको छ ।
राजधानी दिल्लीमा संक्रमितको संख्या बढी रहेको छ । दिल्लीमा मात्रै १ हजार ५२० नयाँ संक्रमित थपिएका छन् । देशभर सक्रिय संक्रमितको संख्या १९ हजार ९२ पुगेको छ । गत ९ फेब्रुअरी महिना यताकै धेरै दिल्लीमा सक्रिय संक्रमितको संख्या ५ हजार ७१६ पुगेको छ ।
प्रकाशित मिति: बिहीबार, मंसिर ८, २०७९ १५:२६
प्रतिक्रिया दिनुहोस्
