काठमाडौँ– ३० वैशाखमा हुने स्थानीय तह निर्वाचनका लागि ७६ जिल्लाको मतपत्र छपाइ कार्य सकिएको छ । अब बाँकी रहेको अन्तिम जिल्ला भक्तपुरको मतपत्र छपाइ आजदेखि सुरु हुने निर्वाचन आयोगले जनाएको छ।
जनक शिक्षा सामग्री संस्थान, सानोठिमीमा नमूनादेखि ३० वैशाखमा निर्वाचन प्रयोजनका लागि मतपत्रका छपाइ कार्य भइरहेको हो । निर्वाचन आयोगले उम्मेदवारी दर्ता, खारेजीलगायतका कार्यतालिका सम्पन्न गरेलगत्तै सम्पूर्ण जिल्लाका मतपत्र छपाइको काम सम्पन्न गरेर ढुवानीलाई अन्तिम चरणमा पुर्याएको छ ।
छापिएका मतपत्रमध्ये १८ वैशाखभित्र नै ४९ जिल्लामा ढुवानी गर्ने काम सम्पन्न गरिसेकेको आयोगले आज दोलखा, सिन्धुली र रामछापका लागि मतपत्रहरू ढुवानी गर्दैछ । आयोगका प्रवक्ता शालिकराम पराजुलीका अनुसार ६ महानगरपालिका र भक्तपुर जिल्लाबाहेकका अन्य जिल्लाका लागि १ करोड ४५ लाख ८० हजार मतपत्र छापिएको छ ।
