काठमाडौँ– भारतको मुम्बईदेखि पश्चिम बंगालको दुर्गापुर जाँदै गरेको स्पाइस जेटको बोइङ ‘बी ७३७’ विमान प्रतिकुल मौसमका कारण तुफानमा पर्दा ४० यात्रु घाइते भएका छन् । घाइतेमध्ये १० जनाको अवस्था गम्भीर रहेको भारतीय सञ्चारमाध्यमले जनाएका छन् । घाइतेलाई अस्पताल भर्ना गरिएको छ ।
तुफानमा परेको विमानको सन्तुलन बिग्रदा क्याबिनमा राखिएका सामानहरु झरेका थिए । सिटमा बसेका यात्रुसमेत असन्तुलित हुँदा ४० जना घाइते भएका बताइएको छ ।
यद्यपि, पाइलटको सुझबुझपूर्ण सावधानीका कारण उक्त विमान सुरक्षित रुपमा विमानस्थलमा अवतरण गरेको छ ।
दुर्गापुरस्थित काजी नजरुल इस्लाम विमानस्थलमा अवतरण गर्ने क्रममा विमान तुफानको चपेटामा परेको समाचारमा जनाइएको छ । तुफानका कारण विमान सन्तुलन गुमाउँदै हल्लिन पुगेको थियो ।
उक्त घटना आइतबार भएको हो ।
Pax injured when @flyspicejet suffered severe turbulence. Flight from Mumbai to Durgapur.
On arrival pax were rushed to hospital. pic.twitter.com/S2XUHSoOhD — Nagarjun Dwarakanath (@nagarjund) May 2, 2022
