काठमाडौं - टर्कीस अभिनेता अल्टन डुज्याटन नेपाल आइपुगेका छन् । उनी सोमबार बेलुका पर्यटन मन्त्रालयको निमन्त्रणामा नेपाल आएका हुन् ।
कोरोना महामारीबाट प्रभावित भएको पर्यटन क्षेत्रलाई प्रवर्द्धन गर्ने उद्देश्यले मन्त्रालयले विदेशी कलाकारहरुलाई भ्रमणको निम्तो दिइरहेको छ । जेठ १३ गते दशरथ रंगशालामा हुने कार्यक्रममा धेरै विदेशी कलाकारहरुलाई निम्तो दिइएको छ ।
सोमबार नेपाल आएका डुज्याटनले पर्यटकीय स्थल र सांस्कृतिक सम्पदाको घुमघाम गर्नेछन् । डुज्याटनलाई टुरिजम रिभाइभल कमिटीका संयोजक राजाराम गिरीले त्रिभुवन अन्तर्राष्ट्रिय विमानस्थलमा स्वागत गरेका थिए ।
कलाकार दुज्यातान इद पर्वका अवसरमा पोखरा–१३स्थित मियाँपाटनमा आयोजना हुने कार्यक्रममा सहभागी हुनेछन् । दुईदिने पोखरा बसाइका क्रममा उनले यहाँका पर्यटकीय गन्तव्यहरु फेवाताल, बेगनासताल तथा सराङकोटको दृश्यावलोकन गर्ने कार्यक्रम छ ।
प्रकाशित मिति: बिहीबार, मंसिर ८, २०७९ ०८:१३
प्रतिक्रिया दिनुहोस्
