काठमाडौं – अभिनेता कर्मा अभिनित फिल्म ‘षट्कोण’को शीर्ष गीत सार्वजनिक गरिएको छ । बुधबार बिराज गौतमको सुमधुर स्वर र विशेष पाण्डे र बिराजको शब्दमा गीत सार्वजनिक गरिएको हो । गीतको भिडियोमा कर्मा नै देखिएका छन् । कर्मा फिल्ममा एक पत्रकारको भूमिकामा छन् । मिलन डी काप्रिको निर्देशन रहेको यस फिल्ममा उनीसहित लोकेन्द्र लेखक, सुयशा अधिकारी, विराज कडरिया, शिशिर लिम्बु वानेम, बालकलाकार असिम लामा लगायतका कलाकारको अभिनय रहेको छ । फिल्मको प्रदर्शन मिति आगामी वैशाख २३ गतेका लागि तोकिएको छ ।