काठमाडौँ । बलिउडका एक्सन स्टार ऋतिक रोशन धेरैजसो नयाँ फिल्मका कारण चर्चामा आउने गर्छन् । तर पछिल्लो समय उनको नयाँ फिल्मको चर्चा छैन । सानै उमेरदेखी फिल्ममा काम गर्दै आएका उनले फिल्म 'कृष' बाट निकै चर्चा कमाए ।
अहिले उनी एक युवतीको प्रेममा रहेको चर्चा पनि चल्न थालेको छ । सुजैन खानसँग विवाह गरेर छुट्टिएका उनी अहिले विवाह नगरी बसेका छन् । उनले सन् २००० मा इन्टेरियर डिजाइनर सुजैन खानसँग विवाह गरका थिए । तर उनीहरुको सम्बन्ध १४ वर्षसम्म मात्र टिक्यो ।
२०१४ देखि नै उनी एकल जिवन बिताइरहेका छन् । भारतिय मिडियाका अनुसार उनी अब अर्को विवाहको तयारीमा छन् । उनले साबा आजादसँग विवाह गर्ने तयारी गरेको चर्चा पनि चल्न थालेको छ । यी दुई पछिल्लो समय सँगै देखिएपछि यस्तो चर्चा चलेको हो । सबासँगको सम्बन्ध र विवाह बारे भने ऋतिकले केही भनेका छैनन् ।
प्रकाशित मिति: शुक्रबार, मंसिर ९, २०७९ ०१:०२
प्रतिक्रिया दिनुहोस्
