काठमाडौँ– भारतको मध्य प्रदेशको इन्दौरमा दुई तले भवनमा आगलागी हुँदा जलेर सात जनाको मृत्यु भएको छ । मृत्यु हुनेमा ६ महिल तथा एक पुरुष रहेका छन् ।
इन्दौरको स्वर्ण बाग कोलोनी क्षेत्रमा भएको उक्त आगलागीमा परेका नौ जनालाई भने उद्दार गरिएको प्रहरी अधिकारीलाई उद्धृत गर्दैै बीबीसी हिन्दीले जनाएको छ ।
केहीले भने भवनबाट हामफालेर ज्यान बचाएको भारतीय सञ्चारमाध्यमले जनाएका छन् ।
प्रत्यक्षदर्शीले शनिबार बिहान ४ देखि ५ बजेको बीचमा उक्त आगलागी भएको बताएका छन् ।
विद्युत सर्टका कारण आगलागी भएको अधिकारीहरुले बताएका छन् ।
अग्नि नियन्त्रक पुग्नु भन्दा अगाडि स्थानीयबासीले आगो नियन्त्रणमा लिने प्रयास गरेका थिए । मध्य प्रदेशका मुख्यमन्त्री शिवराज सिंह चौहानले ट्वीट गर्दै घटनाप्रति दुख व्यक्त गरेका छन् ।
प्रकाशित मिति: बिहीबार, मंसिर ८, २०७९ १६:३७
प्रतिक्रिया दिनुहोस्
