काठमाडौँ– तीन खेलको एकदिवसीय सिरिजअन्तर्गत अन्तिम खेलमा नेपालले आज पाहुना टोली जिम्बावे 'ए' विरुद्ध प्रतिस्पर्धा गर्दैछ ।
सिरिजमा १–१ को बराबरी गरेको नेपाल आज जित निकाल्दै उपाधि कब्जा गर्ने लक्ष्यका साथ मैदानमा उत्रिदैछ । जिम्बावे पनि जित निकाल्दै सिरिज जित्ने योजनामा रहेको छ ।
कीर्तिपुरस्थित त्रिवि अन्तर्राष्ट्रिय क्रिकेट मैदानमा नेपाल र जिम्बावे 'ए' बीचको खेल बिहान ९:३० बजे सुरु हुनेछ ।
पहिलो खेलमा जिम्बावेले नेपाललाई ३ विकेटले हराएको थियो । तर आइतबार भएको दोस्रो खेलमा नेपालले जिम्बावेलाई ९ विकेटले हरायो ।
आईसीसी पुरुष क्रिकेट विश्वकप लिग टु अन्तर्गत अमेरिकामा हुने त्रिकोणात्मक एकदिवसीय सिरिजको तयारीमा स्वरूप नेपालले जिम्बावे 'ए' सँग सिरिज खेलिरहेको हो।
यस अघि भएको तीन खेलको टी-ट्वान्टी सिरिज १-१ को बराबरीमा सकिएको थियो।
प्रकाशित मिति: बिहीबार, मंसिर ८, २०७९ ०१:२४
प्रतिक्रिया दिनुहोस्
