काठमाडौँ– स्पेनिस ला लिगा फुटबलमा बार्सिलोनाले सेल्टा भिगोविरुद्ध सहज जित निकालेको छ ।
मंगलबार राति भएको खेलमा बार्सिलोनाले १० खेलाडीमा सीमित सेल्टा भिगोलाई ३-१ गोल अन्तरले हराएको हो ।
घरेलु मैदानमा मेम्फिस डिपेले ३० औं मिनेटमा गोल गर्दै बार्सिलोनालाई सुरुआती अग्रता दिलाएका थिए ।
त्यस्तै, खेलको ४१ र ४८ औं मिनेटमा पिएरे एम्रिक अबुमेयाङले व्यक्तिगत दुई गोल गर्दै बार्सिलोनालाई ३-० को अग्रता दिलाए । ५० औं मिनेटमा सेल्टाको इयागो आसपसले गोल गरेपनि बार्सिलोना ३-१ ले विजयी भयो ।
खेलको ५८ औं मिनेटमा जेइसन मुरिलोले रातो कार्ड पाएपछि सेल्टा १० खेलाडीमा समेटिएको थियो ।
यस जितपछि बार्सिलोनाले ३६ खेलमा ७२ अंक जोडेर बार्सिलोना दोस्रो स्थानमा छ ।
सेल्टा ४३ अंक जोडेर ११ औं स्थानमा छ ।
प्रकाशित मिति: शुक्रबार, मंसिर ९, २०७९ ००:०३
प्रतिक्रिया दिनुहोस्
