काठमाडौं - महानायक राजेश हमाल अभिनित फिल्म ‘सत्यम् : राइजिङ अफ द हिरोज्’को शीर्ष गीत सार्वजनिक भएको छ । राजु महर्जनको सुमधुर स्वरमा सजिएको यस गीतको भिडियो मंगलबार युट्युबमा सार्वजनिक भएको हो । गीतमा राजुको स्वर, रेशम सापकोटाको शब्द र योगेशकाजीको कन्सेप्ट रहेको छ । भिडियोमा राजेश हमालको तस्बिर देखिएको छ । फिल्ममा राजेश हमाल, पल शाह, अनुप विक्रम शाही, उपासना सिंह ठकुरी लगायतका कलाकारको अभिनय रहनेछ ।