काठमाडौं – चितवनको माडी नगरपालिकामा नगरप्रमुखका उम्मेदवार ऋषिराम काफ्लेले मतदान गरेका छन् । शुक्रबार बिहान माडी ३, बसन्तपुरस्थित माडी माध्यमिक विद्यालय केन्द्रमा पुगेर उनले मतदान गरेका हुन् ।
स्थानीय तहको निर्वाचन अन्तर्गत आज माडीका सबै मतदान केन्द्रहरुमा मतदान भइरहेको छ । माडी नगरपालिका निर्वाचन अधिकृत चुडामणि शर्मा गौतमले मतदान केन्द्रमा आएर ढुक्क भई गोप्य मतदान गर्न आग्रह गरेका छन् ।
यसबर्ष माडीमा २८ हजार ३२० मतदातामा पुरुष १३ हजार ७५८ र महिला १४ हजार ५६२ जना रहेका छन् । नगर क्षेत्रभरी कूल १५ वटा मतदान स्थलमा ३२ वटा मतदान केन्द्र कायम गरिएका छन् ।
प्रकाशित मिति: शुक्रबार, मंसिर ९, २०७९ ०६:०६
प्रतिक्रिया दिनुहोस्
