उदयपुर - उदयपुरको कटारीमा सुरक्षाकर्मीले चलाएको गोली लागि एक युवकको मृत्यु भएको छ । एक जना घाइते भएका छन् ।कटारी नगरपालिका-१० स्थित कालिका मावि सोरूङ छबीसे मतदान केन्द्रमा झडप हुँदा सुरक्षाकर्मीले चलाएको गोली लागि स्थानीयबासिन्दा १९ वर्षका नविन कटुवालको ज्यान गएको स्थानीयबािस छत्र कटुवालले जानकारी दिएका छन्। उनका अनुसार प्रविणको घटनास्थलमै मृत्यु भएको हाे ।
उदयपुरका प्रहरी प्रमुख सुवासचन्द्र बोहोराले मतदान सकिनै लाग्दा केही ब्यक्तिले बुथ कब्जा गर्न खोजेपछि गोली चलाउनु परेको क्यानडा नेपाललाई जानकारी दिए । झडप नियन्त्रणका क्रममा सुरक्षाकर्मीले एसएलआर र थ्री नट थ्री राइफलबाट आठ राउण्ड गोली चलाएको स्थानीय बासिन्दाको भनाइ छ ।
मृतक कटुवालका काका त्यहाँ खस्वतन्त्र रुपमा वडाअध्यक्षका प्रत्यासी थिए ।
घाइते हुनेमा १४ वर्षका मनकुमार श्रेष्ठ छन् ।
घटनास्थल कटारी बजारबाट ३ घण्टा गाडीको दूरीमा रहेकाले थप विवरण आउन सकेको छैन । पानी परिरहेकाले सम्पर्क हुन नसकेको प्रहरी प्रमुख बोहोराले जानकारी दिए ।
प्रकाशित मिति: शुक्रबार, मंसिर ९, २०७९ ०७:०७
प्रतिक्रिया दिनुहोस्
