काठमाडौँ– भारतको राजधानी दिल्लीको मुन्डकास्थित एक भवनमा आगलागी हुँदा २७ जनाको मृत्यु भएको छ ।
शुक्रबार बेलुका भएको आगलागीमा २७ जनाको शव भेटिएको र मृत्यु हुनेको सङ्ख्या अझै बढ्न सक्ने दिल्लीका मुख्य अग्नि नियन्त्रक सुनील चौधरीले बताएका छन् ।
आगलागीमा परि १२ जना घाइते भएका बीबीसी हिन्दीले जनाएको छ ।
घाइतेहरुको दिल्लीको सञ्जय गान्धी र दिन दयाल अस्पतालमा उपचार भइरहेको छ ।
भारतीय प्रधानमन्त्री नरेन्द्र मोदीले घटनाप्रति दुःख व्यक्त गर्दै आगलागीबाट ज्यान गुमाएकाका परिवारलाई प्रतिपरिवार दुई लाख र घाइतेलाई उपचारका लागि ५० हजार भारतीय रुपैयाँ प्रदान गर्ने बताएका छन् ।
प्रकाशित मिति: शुक्रबार, मंसिर ९, २०७९ ०१:१२
प्रतिक्रिया दिनुहोस्
