काठमाडौँ– सिन्धुपाल्चोकको मेलम्ची नगरपालिका र पाँचपोखरी थाङपाल गाउँपालिकाको मतगणना सुरु भएको छ ।
मेलम्चीको ज्यामिरे केन्द्रमा धाँधली भएको आरोप लगाउँदै एमालेले मतगणना शुरु गर्न मानेको थिएन । काँग्रेसले भने तत्काल मतगणना शुरु गर्न माग गरेको थियो ।
पाँचपोखरी थाङपाल गाउँपालिकामा भने गुन्सा केन्द्रमा एमालेले चुनावमा धाँधली गरेको भन्दै माओवादीले पुनः चुनाव गर्न माग गरेको थियो ।
पछिल्लो मत परिणाम अनुसार मेलम्ची नगरपालिकाका एमालेका उम्मेदवार बालकृष्ण देउजाले ३६ मतका साथ सुरुवाती अग्रता बनाएका छन् । देउजाका निकटतम् प्रतिस्पर्धी गठबन्धनबाट नेपाली कांग्रेसका आइतमान तामाले २९ मत प्राप्त गरेका छन् ।
प्रकाशित मिति: शुक्रबार, मंसिर ९, २०७९ ०६:४९
प्रतिक्रिया दिनुहोस्
