दार्चुला– दार्चुला जिल्लाको शैल्यशिखर नगरपालिकामा हाइस (माइक्रो बस) दुर्घटना हुदाँ ३ जनाको मृत्यु भएको छ।
गोकुलेश्वरबाट पनेबाँजतर्फ आउँदै गरेको म १ ज २७७ नम्बरको हाइस शैल्यशिखर नगरपालिकाको वडा नम्बर ६ ग्वानीको वडा कार्यालय नजिक रोलाखोलामा दुर्घटना भएको जिल्ला प्रहरी कार्यायल दार्चुलाका सूचना अधिकारी हिक्मतबहादुर थापाले जानकारी दिए ।
उनका अनुसार दुर्घटनामा चालक प्रकाशसिंह धामी, यात्रुहरु नविनसिंह धामी र हरिश धामीको मृत्यु भएको छ। मृतक तीनै जना ग्वानीका स्थानीय हुन् ।
गोकुलेश्वरबाट पनेबाँज आउँदै गरेको हाइस सडकबाट करिब १ हजार मिटर तल भिरमा खसेको प्रहरीले जनाएको छ ।
प्रकाशित मिति: बिहीबार, मंसिर ८, २०७९ २३:०२
प्रतिक्रिया दिनुहोस्
