जुम्ला - जुम्लाको कनकासुन्दरी गाउँपालिकाको अध्यक्षमा नेपाली कांग्रेस विजयी भएको छ । कांग्रेसका दामोदरप्रसाद आचार्यले २,८०६ प्राप्त गरेर विजयी भएका हुन् ।
उनका निकटतम प्रतिद्वन्द्वी नेकपा (माओवादी केन्द्र) का धनबहादुर रावतले २,५६२ मत प्राप्त गरे । उपाध्यक्षमा पनि नेपाली कांग्रेसकी प्रेमकली बुढा विजयी भएकी छन् । उनको निकटतम प्रतिद्वन्द्वी माओवादी केन्द्रकी रीता खत्री पराजित भएको निर्वाचन अधिकृतको कार्यालयले जनाएको छ ।
यहाँका आठ स्थानीय तहमध्ये सबैभन्दा पहिलो मतगणना कनकासुन्दरीको भएको हो । स्थानीय तह २०७४ को निर्वाचनमा पनि उक्त पालिकामा कांग्रेस विजयी भएको थियो ।
प्रकाशित मिति: शुक्रबार, मंसिर ९, २०७९ ००:३०
प्रतिक्रिया दिनुहोस्
