विराटनगर– मोरङको विराटनगर महानगरपालिकामा नेपाली कांग्रेसका उम्मेदवार नागेश कोइरालाले १९ हजार १७३ मतसहित अग्रता जारी राखेका छन् ।
उनले नेकपा एमालेका उम्मेदवार सागर थापालाई ४ हजार ८३५ मत अन्तरले पछाडि पारेका छन् । थापाले १४ हजार ३३८ मत पाएका छन् ।
हालसम्म विराटनगरमा ५९ हजार ८३० मत गणना भएको निर्वाचन अधिकृतको कार्यालयले जानकारी दिएको छ ।
स्वतन्त्र उम्मेदवार उमेश यादवको पक्षमा ६ हजार १८५ र राप्रपाका उम्मेदवार प्रह्लाद साहले ३ हजार ७०८ मत पाएका छन् ।
उपप्रमुख पदमा नेकपा एमाले उम्मेदवार शिल्पा कार्कीले अग्रता लिएकी छन् । कार्कीले १६ हजार ७५२ मत पाउँदा जसपाका अमरेन्द्र यादवले ९ हजार ८१५, राप्रपाकी विन्दा लुइटेल आचार्यले ४ हजार ४९३ र स्वतन्त्र उम्मेदवार नमिता न्यौपानेले ३ हजार ५४९ मत पाएकी छन् ।
प्रकाशित मिति: शुक्रबार, मंसिर ९, २०७९ ०५:०३
प्रतिक्रिया दिनुहोस्
