काठमाडौँ । नेपाल युगान्डासँगको महिला टी–ट्वान्टी अन्तराष्ट्रिय क्रिकेट सिरिजमा पराजित भएको छ । तेस्रो तथा निर्णायक खेलमा बिहीबार ६ विकेटको हार ब्यहोरेसँगै नेपालले सिरिज गुमाएको हो । ५ खेलको सिरिजमा युगान्डाले यसअघिका दुबै खेल पनि जितेको थियो ।
नेपालले दिएको १ सय रनको लक्ष्य युगान्डाले १८ ओभर २ बलमा मात्र ४ विकेट गुमाएर पूरा गर्यो । युगान्डाकी केभिन विनोले अविजित ४२ रन जोडिन् ।
नेपालकी कविता कुँवरले २ तथा रुबिना क्षेत्री र इन्दु वर्माले १–१ विकेट लिएपनि त्यसले युगान्डाको पराजय रोक्न सकेन ।
पहिले ब्याटिङ गरेको नेपालले २० ओभरमा ८ विकेट गुमाएर ९९ रन बनाएको थियो । नेपालकी ज्योतीपाण्डेले सर्वाधिक ४७ रन बनाएकी थिइन् ।
कप्तान रुबिना क्षेत्रीले अविजित १८ रन बनाउँदा सीता राना मगरले १२ रन बनाइन् । युगान्डाकी फियोना कुलुमी, कुन्सी वेको र सराह एकीटेङले २–२ विकेट लिए ।
नेपालले युगान्डासँग भोलि शुक्रबार चौंथो र शनिबार पाँचौँ तथा अन्तिम टी–ट्वान्टी खेल्नेछ ।
प्रकाशित मिति: बिहीबार, मंसिर ८, २०७९ २१:०८
प्रतिक्रिया दिनुहोस्
