काठमाडौँ– काठमाडौँ महानगरपलिकामा मेयरका स्वतन्त्र उम्मेदवार वालेन्द्र साह (बालेन) ले १७ हजार बढी मतान्तरले अग्रता लिएका छन् ।
बालेनलाई पछ्याइरहेकी नेपाली कांग्रेसकी उम्मेदवार सिर्जना श्रेष्ठसँग १७ हजार ९०६ मतान्तर रहेको छ ।
पछिल्लो मत परिणामअनुसार बालेनले ४३ हजार ८ सय ५० मत पाएका छन् । दोस्रो स्थानमा रहेकी कांग्रेसकी श्रेष्ठले २५ हजार ९ सय ४४ मत प्राप्त गरेकी छन् ।
त्यस्तै, नेकपा एमालेका मेयर उम्मेदवार केशव स्थापित तेस्रो स्थानमा छन् । उनले २५ हजार ५९ मत पाएका छन् । बालेन र स्थापितबीच १८ हजार ७९१ मतान्तर रहेको छ ।
अहिलेसम्म काठमाडौं महानगरमा १ लाख २८ हजार ४ सय ८५ मत गणना भएको छ । बालेनको मतान्तर बढ्दै जाँदा उनको जित निश्चित हुँदै गएको देखिएको छ ।
प्रकाशित मिति: शुक्रबार, मंसिर ९, २०७९ ०३:३३
प्रतिक्रिया दिनुहोस्
