काठमाडौं - बलिउडका चर्चित अभिनेता नवाजुद्दीन सिद्दीकी पछिल्लो समय निकै चर्चामा छन् । उनी हलिउड फिल्ममा देखिने भएपछि बढी चर्चामा आएका हुन् । भारतिय मिडियाका अनुसार उनलाई अमेरिकन फिल्म ‘लक्ष्मण लोपेज’ मा देख्न पाइने भएको छ । रोबर्टो जिराल्टले निर्देशन गर्ने यस फिल्ममा नवाजुद्दीन मुख्य भूमिकामा देखिने बताइएको छ । नवाजुद्दीनले यो फिल्ममा आफू खेल्न उत्साहित भएको र रोज्नुको कारण खुलाएका छन् । उनले यो फिल्मको नाम आफूलाई राम्रो लागेको र कथा पनि धेरै राम्रो भएकोले रोजेको बताए । निर्देशक रोबर्टोले पनि स्क्रिप्ट पढ्न सकेसँगै आफूले लक्ष्मण लोपेज का लागि पर्फेक्ट पात्र खोज्न सुरु गरेको र त्यो नवाजुद्दीनमा आफूले देखेका बताए ।