काठमाडौं - बलिउडका चर्चित निर्देशक तथा निर्माता करण जौहर विवादमा परेका छन् । उनलाई एक पाकिस्तानी गायकले चोरीको आरोप लगाएका हुन् । भारतिय मिडियाका अनुसार करणलाई पाकिस्तानी गायक अबरार उल हकले आफ्नो गीत चोरी गरेको आरोप लगाएका हुन् ।
रिलिजको तयारीमा रहेको फिल्म जुगजुग जियो मा गीत चोरिएको गायक अबरारको भनाई छ । गायक अबरारले सामाजिक सञ्जालमार्फत आफूले करणलाई गीत नबेचेको भन्दै चोरीएको बताएका छन् ।
उनले ‘नाच पंजाबन’ बोलको गीत कसैलाई नबेचेको र फिल्ममा करणले चोरेको आरोप लगाएका छन् । यस्तै विशाल ए सिंह नाम गरेका अर्का व्यक्तिले पनि करणलाई स्क्रिप्ट चोरी गरेको पनि आरोप लगाएका छन् ।
बहुचर्चित फिल्म ‘जुगजुग जियो’ लाई राज मेहताले निर्देशन गरेका हुन् । यस फिल्ममा वरुण धवन, कियारा आडवाणी, अनिल कपूर, नीतू कपूर, मनीष पॉल लगायतका कलाकारको अभिनय रहेको छ । फिल्म २४ जुनमा रिलिज हुँदैछ ।
प्रकाशित मिति: बिहीबार, मंसिर ८, २०७९ ०५:२८
प्रतिक्रिया दिनुहोस्
