काठमाडौँ– नवप्रवेशी गुजरात टाइटन्स इन्डियन प्रिमियर लिग (आईपीएल) क्रिकेटको फाइनल प्रवेश गरेको छ ।
मंगलबार राति भएको पहिलो क्वालिफायरमा राजस्थान रोयल्सलाई ७ विकेटले हराउँदै गुजरातले फाइनलको यात्रा तय गरेको हो ।
राजस्थानले दिएको १ सय ८९ रनको लक्ष्य गुजरातले १९ ओभर ३ बलमा मात्र ३ विकेट गुमाएर पूरा गर्यो ।
गुजरातको जितमा डेभिड मिलरले विस्फोटक ब्याटिङ गर्दै ६८ रनको अविजित इनिङ खेले । कप्तान हार्दिक पाण्ड्याले अविजित ४० रन बनाए भने सुबमन गिल र म्याथ्यु वेडले ३५/३५ रन जोडे ।
राजस्थानका ट्रेन्ट बोल्ट र ओबेड म्याकक्वेले १/१ विकेट लिए ।
पहिले ब्याटिङ गरेको राजस्थानले ६ विकेट गुमाएर १ सय ८८ रन बनाएकाे थियो ।
राजस्थानका लागि जोस बट्लरले ८९ तथा कप्तान सन्जु सामसनले ४७ रन बनाएका थिए ।
गुजरातका मोहमद शामी, यस डयल, साई किशोर र हार्दिक पाण्ड्या एक एक विकेट लिए।
हारका बाबजुत राजस्थानलाई पनि फाइनल पुग्ने अवसर छ । अब राजस्थानले इलिमिनेटरको विजेतासँग दोस्रो क्वालिफायर खेल्नेछ । यो खेल जिते राजस्थान पनि फाइनल पुग्नेछ ।
इलिमिनेटरमा लखनउ सुपर जाइन्ट्स र रोयल च्यालेन्जर्स बैंगलोरबीच आज राति ७ : ४५ मा खेल हुनेछ । याे खेलको विजेताले राजस्थानसँग दोस्रो क्वालिफायर खेल्नेछ ।
प्रकाशित मिति: बिहीबार, मंसिर ८, २०७९ १२:२७
प्रतिक्रिया दिनुहोस्
