काठमाडौं - अभिनेता तथा निर्देशक अनुप बरालको निर्देशनमा तयार भएको फिल्म 'दोख' को रिलिज मिति सार्वजनिक भएको छ । फिल्म आगामी असार २४ गतेबाट देशभरका हलहरुमा प्रदर्शनमा आउने भएको छ ।
निर्देशक बरालका अनुसार फिल्मले सामुदायिक वनको मुद्धालाई लिएर दुई गाउँबीचको किचलो देखाउनेछ । झट्ट हेर्दा माओवादी द्वन्द्वको कथा जस्तो देखिने भए पनि कथाा सामुदायिक वनको मुद्धाको रहने उनले बताए ।
निर्माता मनोज अधिकारीले फिल्मको टिजर पनि चाँडै सार्वजनिक गरिने बताए । फिल्ममा दिया मास्के, मनीष निरौला, लोकमणि सापकोटा, माओत्से गुरुङ, रोय दिभ, कमल देवकोटा, सजन थापामगरलगायतका कलाकारको अभिनय रहनेछ ।
फिल्ममा शैलेन्द्र डी कार्कीको छायांकन, निमेष श्रेष्ठको सम्पादन रहेका छन् भने फिल्ममा सविन ज्ञवाली र मनोज अधिकारी निर्माता तथा भीम न्यौपाने, ओम गुरुङ, रन्जु वाग्ले कार्यकारी निर्माता रहेका छन् ।
प्रकाशित मिति: बिहीबार, मंसिर ८, २०७९ १२:५९
प्रतिक्रिया दिनुहोस्
