काठमाडौं - हास्य कलाकार केदार घिमिरे 'माग्ने बुढा' को कमेडी शो कमेडी हब आज प्रशारण नहुने भएको छ । आज बेलुका ८ बजे टेलिभिजनबाट प्रशारण गरिने भनिए पनि प्राविधिक तयारी नपुगेकाले रोकिएको बताइएको छ ।
अब शो जेठ १८ गतेबाट नियमित प्रसारण गरिने भएको छ । मिडिया हबले माग्ने बुढा लगायतका धेरै कमेडी कलाकारलाई लिएर शो शुरु गरेको हो ।
यस शोमा माग्ने बुढा, राजा राजेन्द्र पोखरेल, हिमेश पन्त,सुबोध गौतम, राजेन्द्र नेपाली लट्टे, जानुका पौडेल प्याकुली, दिलीप तामाङ हुरहुर, खड्गबहादुर पुन खबपु, प्रभात लामा, संगम राई लब्ली, लगायतका दर्जन बढी कलाकार रहेका छन् । यस शोमा जनक दीप पराजुलीको निर्देशन र सागर प्रधानको छायांकन रहेको छ ।
प्रकाशित मिति: बिहीबार, मंसिर ८, २०७९ ०६:०६
प्रतिक्रिया दिनुहोस्
