काठमाडौं - बलिउडका चर्चित अभिनेता शाहिद कपुर फिल्म 'कवीर सिंह' बाट निकै चर्चामा आए । उनलाई यस फिल्मले नै धेरै हिट बनायो । सन् २०१९ मा रिलिज भएको यस फिल्ममा उनले अभिनेत्री कियारा आडवाणीसँग रोमान्स गरेका थिए ।
यो फिल्मले त्यतिबेला बक्सअफिसमा पनि धमाकेदार कमाई गर्न सफल भएको थियो । ३ बर्षपछि भने यो फिल्मको सिक्वेल बनाउने तयारी गरिएको छ । भारतिय मिडियाका अनुसार फिल्मका निर्माताद्वय मुराद खेतानी र भुषण कुमार सिक्वेलको तयारीमा छन् ।
यसको खुलासा उनीहरुले फिल्म 'भूल भुलैया २' को सफलतामा गरेका हुन् । कार्तिक आर्यन र कियारा आडवाणीको फिल्म भूल भुलैया २ को निर्माता पनि मुराद र भुषण नै हो । सञ्चारमाध्यमहरुकासँगको कुराकानीमा उनीहरुले कवीर सिंह को सिक्वेल आउने बारे बताएका थिए ।
प्रकाशित मिति: शुक्रबार, मंसिर ९, २०७९ ०४:३२
प्रतिक्रिया दिनुहोस्
