एन जामेना - उत्तरी चाडमा सुन खानीमा कार्यरत कामदारहरू बीचको झडपमा करिब १ सय जनाको मृत्यु भएको रक्षा मन्त्री जनरल दाउद याया ब्राहिमले सोमबार बताएका छन्। मे २३ मा लिबियाको सिमाना नजिकको कोरी बोगौदीमा हिंसा भड्किएर घटनाले ठूलो रूप लिदा करिब १ सय जनाको मृत्यु भएको छ भने कम्तीमा ४० जना घाइते भएका छन्।
उक्त झडप चाडको राजधानी एन'जामेनाबाट करिब १,००० किलोमिटर (६०० माइल) मध्य सहाराको तिबेस्ती पर्वतमा भएको थियो।त्यस क्षेत्रमा सुनको खोजी चाड र छिमेकी देशहरूबाट आएका खानी कामदारहरू बीच अक्सर तनाब र झडप हुने गर्दछ।
झडप मौरिटानियन र लिबियालीहरू बीच भएको मन्त्रीले बताएका छन् ।उनले एएफपीसँग यस क्षेत्रबाट फोनमा कुरा गर्दै जहाँ सो जानकारी दिएका हुन् ।
"यस क्षेत्रमा सुन खानी कामदारहरू बीच हिंसा भएको यो पहिलो घटना होइन र हामीले अर्को सूचना नआएसम्म कोरीमा सबै सुन खानीको उत्खननको कार्य स्थगन गर्ने निर्णय गरेका छौं," उनले भने। यस क्षेत्रका बहुसंख्यक खानीहरू अवैधरूपमा सञ्चालित छन्
प्रकाशित मिति: शुक्रबार, मंसिर ९, २०७९ ०३:०१
प्रतिक्रिया दिनुहोस्
