काठमाडौँ– भारतको कश्मीरमा एक हिन्दू महिला शिक्षकको गोली हानी हत्या गरिएको छ । कुलगामस्थित एक विद्यालयमा चरमपन्थी समूहले गोली प्रहार गर्दा महिला शिक्षकको मृत्यु भएको बीबीसी दिन्दीले जनाएको छ । गोली लागि गम्भीर घाइते उनलाई अस्पताल भर्ना गरिएपनि चिकित्सकले बचाउन सकेनन् । उक्त क्षेत्रलाई अहिले सुरक्षाकर्मीले आफ्नो नियन्त्रणमा लिएको छ । यसअघि यसै महिना राहुल भट्ट नामका एक कश्मीरी पन्डितको चरमपन्थीहरुले हत्या गरेका थिए । यसका साथै तीन प्रहरीको समेत हत्या भएको थियो । सन् २०१९ अगस्ट ५ मा भारत सरकारले जम्मू–कश्मीरलाई दिँदै आएको विशेष दर्जा हटाएसँगै कश्मीरी पन्डितहरुलाई लक्षित गरी निरन्तर आक्रमण हुँदै आएको छ ।