काठमाडौं । बाबुको सपना पुरा गर्न शिक्षक बन्न संघर्ष गरेको एक युवाको कथालाई प्रस्तुत गरिएको फिल्म ‘प्रकाश’को टिजर सार्वजनिक भएको छ । प्रदीप खड्का स्टारर फिल्ममा प्रदीप फरक भूमिकामा देखिएका छन् ।

अधिकांश फिल्ममा लभरब्वाईको रुपमा प्रस्तुत भएका प्रदीप टिजरमा निकै फरक लुक्समा देखिएका छन् । टिजरमा दिया मास्के पनि फिचर्ड छिन् । टिजरमा उनले कर्णाली प्रदेशको भाषा पनि बोलेका छन् ।

निर्देशक दिनेश राउतको निर्देशन रहेको फिल्ममा राजन खतिवडा, रानु योगी, प्रकाश घिमिरेको पनि अभिनय छ । फिल्ममा राजेश श्रेष्ठको छायांकन र विकास सुवेदीको पटकथा छ ।