फिल्ममा अक्सर बेहुलीले मण्डप छाडेर अर्कै युवकसँग भागेको देखिन्छ । तर भारतमा भने साँच्चिकै एक बेहुलीले ब्युटीपार्लर जाने भन्दै गायब भएपछि जन्तीसमेत बेहुला रित्तै हात फर्किनु परेको छ ।
भारतको उज्जैनबाट विवाह गर्न इन्दौरको एमजी रोड थानास्थित बेहुलीको घर आएको जन्ती र बेहुला बिहे नगरी फर्किएका छन् । विवाह गर्न नाच्दै गाउँदै बेहुलीको घर पुगेका उनीहरु बेहुली ब्युटिपार्लर गएकी छन् भनेपछि निकैबेर पर्खिएका थिए । तर पछि बेहुली पार्लरबाटै अज्ञात युवकसँग भागेको थाहा पाएपछि बेहुला र जन्ती रित्तै फर्किनु पर्यो ।
लामो समयसम्म छोरी घर नफर्किएपछि अभिभावकले बेहुली हराएको भन्दै प्रहरीमा खोजीको अपिल सहित निवेदन दिएका छन् । यस्तै बेहुलाका परिवार पनि विवाहको साजसज्जासाथ प्रहरीमा पुगेका थिए ।
प्रकाशित मिति: शुक्रबार, मंसिर ९, २०७९ ०१:२३
प्रतिक्रिया दिनुहोस्
