मुम्बई– ‘बाहुबली’ फेम्ड अभिनेता प्रभास अभिनित पछिल्ला दुई फिल्म लगातार ‘फ्लप’ भएपछि उनका फ्यान निरास छन् । प्रभास फिल्म ‘केजीएफ’का निर्देशक प्रशान्त निलको नयाँ फिल्म ‘सालार’मा देखिँदैछन् । यो फिल्ममा दर्शकले प्रभासको एक्सन अवतारलाई नजिकबाट हेर्न पाउनेछन् । तर अहिले यो फिल्मको सुटिङ प्रभासकै कारण रोकिएको छ । समाचारअनुसार प्रभासको शरीरको तौलका कारण अहिलेलाई फिल्मको सुटिङ रोकिएको छ । प्रभास लामो समयदेखि तौलको समस्यासँग जुधिरहेका छन् । पछिल्लो फिल्म ‘राधे श्याम’को प्रमोसनको समयमा नै प्रभास आफ्नो शरीरलाई लिएर तनावमा थिए । ‘सालार’मा प्रभास तीन लुकमा देखिए पनि वास्तविकतामा त्यो लुकमा उनी ‘अनफिट’ छन् । प्रभासलाई ‘राधे श्याम’मा देखेका दर्शकले ‘सालार’ उनको बढ्दो शरीरलाई हेर्दा आश्चर्य मानेका थिए । फिल्ममा प्रविधिका कारण प्रभासलाई राम्रो आकारमा देखाइएको थियो । तर निर्देशक प्रशान्त कुनै पनि मूल्यमा गुणस्तरसँग सम्झौता गर्न चाहदैनन् । प्रशान्त प्रभासलाई फिल्म ‘राधे श्याम’को जस्तै फिट देखाउन प्रविधिको प्रयोग गर्ने मुडमा छैनन् । उनी प्रभास आफैंले तौल घटाउन भन्ने चाहन्छन् । फिल्म निकट स्रोतका अनुसार निर्देशकको माग अनुसार फिट भएर प्रभास नफर्किउञ्जेलसम्म सुटिङ हुने छैन । –आजतक