मुम्बई–गत जून २९ मा हत्या गरिएका प्रख्यात पञ्जाबी गायक सिद्धु मुसेवालाका आमाबाबुले आफ्नो छोराको कुनै पनि गीत सार्वजनिक चेतावनी दिएका छन् । उनीहरुले सिद्धुकै आधिकारिक इन्स्टाग्राम एकाउण्टमा एक पोस्ट गर्दै यो दुःखको क्षणमा सिद्धुको नाम भँजाएर फाइदा नलिन चेतावनी दिएका हुन् । आमाबाबुले सिद्धुको कुनै पनि ट्रयाक सामाजिक सञ्जालमा शेयर नगर्न चेतावनी दिएका छन् । ‘हामी ती सबै संगीत निर्मातासँग अनुरोध गर्छौ, जोसँग छोरा सिद्धुले सहकार्य गरेको थियो । उनीहरुसँग हाम्रो अनुरोध छ कि सिद्धुका कुनै पनि पुरा या अधुरा ट्रयाक कतै शेयर तथा रिलिज नगर्नुहोला’ उनीहरुले लेखेका छन् । उनीहरुले सिद्धुका कुनै पनि ट्रयाक लिक भएमा त्यसको विरुद्ध कानूनी प्रक्रियामा जाने चेतावनीसमेत दिएका छन् । उनीहरुले जून ७ पछि सिद्धुको भागमा परेको सबै कन्टेन्ट पितालाई हस्तान्तरण गर्न आग्रह गरेका छन् । काँग्रेसका नेतासमेत रहेका सिद्धुको आइतबार गोली हानी हत्या गरिएको थियो । सिद्धु आफ्नो थार गाडीमा दुई साथीका साथ मानसाको गाउँ गइरहँदा उनको हत्या भएको थियो । हत्याको एकदिन अघि मात्र पञ्जाब सरकारले उनीबाट सुरक्षाकर्मी फिर्ता लिएको थियो । –अमरउजाला