काठमाडौं–काठमाडौं महानगरपालिकाको नवनिर्वाचित मेयर बालेन शाहले र्याप गायनमा आधारित रियालिटी शो ‘नेपहपको श्रीपेच’मा जुरीको भूमिकालाई निरन्तरता दिने भएका छन् । झण्डै डेढ वर्षअघि बालेनसहित अन्य दुई जुरी मानस घले र गिरीश खतिवडासँग भएको सम्झौता अनुसार नै बालेनलाई आफ्नो भूमिकालाई निरन्तरता दिएका हुन् । बालेन आफैंमा र्यापर हुन् ।
शोका निर्देशक निकेश खड्काले मेयर शाहको समय अनुसार सुटिङ गरिरहेको बताए । ‘अस्तीको दिन उहाँले झण्डै चार घण्टाको समय दिनुभएपछि दुई भाग छायांकन गर्यौ । उहाँले अब तीन दिन समय दिनुपर्नेछ’, निकेशले भने ।
उनले मेयर भएपछि पनि आफूहरुले मेयर बालेनलाई शोको निर्णायकका रुपमा मात्र हेरिरहेको बताए । ‘अहिले उहाँ विशुद्ध जुरी सदस्यको रुपमा शोमा उपस्थित भइरहनुभएको छ । आफ्नो तर्फबाट अन्य सहयोग गर्ने केही कुरा गर्नुभएको छैन’, निकेशले भने,‘जुरी मेयरको अगाडि प्रस्तुती दिन पाउँदा सहभागीहरु खुशी छन् । हामी पनि खुशी छौं ।’
शोको ग्राण्ड फिनाले असार १४ गते हुँदैछ ।
प्रकाशित मिति: बिहीबार, मंसिर ८, २०७९ ०८:२२
प्रतिक्रिया दिनुहोस्
