काठमाडौँ– तारा एयरले पोखरा–जोमसोम उडान आजदेखि एक साताका लागि स्थगित गरेको छ ।
तारा एयरले आजदेखि यही जेठ २७ गतेसम्मका लागि पोखरा–जोमसोम नियमित उडान स्थगित गरेको तारा एयरको भगिनी संस्था यती एयरलाइन्सका प्रवक्ता सुदर्शन बर्तौलाले जानकारी दिए ।
उनले विशेष कारणवश आजदेखि एक सातासम्म पोखरा–जोमसोम उडान स्थगित गरिएको बताए ।
पोखराबाट जोमसोमका लागि उडेको तारा एयरको जहाज गत आइतबार मुस्ताङको थसाङमा दुर्घटनामा परेको थियो।
दुर्घटनामा चालकदलका सदस्यसहित विमानमा सवार सबै २२ जनाको मृत्यु भएको थियो।
दुर्घटनाको छानविन गर्न सरकारले छानविन समिति गठन गरेको छ।
प्रकाशित मिति: शुक्रबार, मंसिर ९, २०७९ ०६:१०
प्रतिक्रिया दिनुहोस्
