काठमाडौँ– आईसीसी यू–१९ महिला टी–ट्वान्टी विश्वकप एशिया छनोटमा नेपालले विजयी सुरुवात गरेको छ।
नेपालले पहिलो खेलमा कतारलाई ७९ रनले हराएको हो । क्लालालामपुरमा १ सय १८ रनको लक्ष्य पछ्याएको कतार १५ ओभर ४ बलमा ओभरमा मात्र ३८ रनमा अलआउट भयो।
नेपालका सृष्टि जैसीले ३ विकेट लिइन्। यस्तै स्नेहा मगर, कृतिका मरासीनी र अनु कठायतले २–२ विकेट लिए। टस जितेर पहिले ब्याटिङ गरेको नेपालले २० ओभरमा ३ विकेट गुमाएर १ सय १७ रन बनाएको थियो।
नेपालका लागि आश्मा पुलामी मगर ३२ र सृष्टि जैसी २३ रनमा नटआउट रहे। सानु राजवंशी २१ रन बनाइन भने अञ्जली विश्वकर्माले ११ रन थपिन् ।
एसिया छनोट खेलिरहेका ६ मध्ये शीर्षस्थानमा रहने टिम दक्षिण अफ्रिकामा हुने पहिलो यू–१९ महिला टी–ट्वानटी विश्वकपमा छनोट हुनेछ।
दोस्रो खेलमा नेपालले शनिबार यूएईसँग खेल्नेछ।
प्रकाशित मिति: बिहीबार, मंसिर ८, २०७९ ०३:४२
प्रतिक्रिया दिनुहोस्
